يمنع منعاً باتاً نشر اي مجموعات تواصل أو ارقام هواتف خاصة او بريد الكتروني خاص او برامج المحادثة ، نرجو من الجميع الالتزام بذلك ...مع تمنياتنا لكم بالنجاح والتوفيق

نرجو من جميع الاعضاء تغيير كلمة السر الخاصة بالمنتدى وفي حال وجود اي استفسار او مساعدة مراسلتنا على forum@kau.edu.sa

 

 

العودة   منتديات جامعة الملك عبد العزيز > العمادات > عمادة التعلم الالكتروني والتعليم عن بُعد

عمادة التعلم الالكتروني والتعليم عن بُعد عمادة التعلم الالكتروني والتعليم عن بُعد

إضافة رد
 
LinkBack أدوات الموضوع انواع عرض الموضوع
قديم 09-18-2011, 09:09 AM   #1
joe13
 





joe13 غير متواجد حالياً
حصري اول يوم خطـة (أ) ملخص المحاضرة+تقرير بسيط+شرح للسنترا +كتب مادتين

السلام عليكم ورحمة الله وبركاتة





طبعا مثل ماوعدتكم ان ان شاء الله بنزل حاجة خفيفة كدا وإن شاء الله يارب تساعدكم في اموركم





طبعا اول يوم واول انطباع عن النظام صراحة كان عندي متقلب مابين معصب لمبسوط الى متنرفز وانتهت معايا بصداع من قبل المغرب لين الحين ><





بس صراحة عبجتني الحكاية وبديت امشي معاها



وخلونا ندخل في التفاصيل عل سريع











بالبداية احب اقولكم ان الخطط كلها مقسمة لشعب بحيث ان عندنا شعبتين الان وكل مادة حسب مافهمت من الاخوان لها دكتورين او مدرسين



لاكن الكتب والنظام تقريبا واحد لاكن في اختلاف بالمدرسين فقط





ونا بتكلم عن اللي عندي

وبالي حظرتو فقط









[align=left]المحاضرة الاولـى انجلشـ الساعة 4

[/align]







طبعا الدكتور او المدرس تاخر بشكل فضيع وقاعدين من الساعة اربعة ننتظر لين تقريبا خمس الا ربع حتى جا



وطبيعي لان اول مرة يستخدم النظام وتعب لين سلك امورو ^_*



والكلاس كان حلو بحيث ان كان في شباب بيتفاعلو مع المدرس بشكل مناسب وبالانجلش طبعا



ودا الشي اللي نرفزني بالبداية بحيث ان الكلاس من بدايتو لنهايتو انجلــــش صصوت وكتابة >< وعقدتي الكتابة انا لاكن الحمد لله سلكت واخدت المهم من المدرس



وسوالنا مثل تجربة مع البداية لامور بالدرس الاول كدا خفيفة









وكان المهم



اسم الدكتور ( نعيم امين محمد )





1- الكتاب فهو كتابين



1. New Headway Plus Beginners (special edition) [Green Cover]

2.New Headway Plus Elementary (special edition) [Red Cover]





وموجودة بمكتبة خوارزم للي من برا جدة وللي في جدة قال انها موجودة بمكتب الجامعة اتوقع او مكتبة خوارزم اللي داخل الجامعة



او مكتبة الشقري







وضروري يكون الاصدار الاخيـر للكتاب وهوا طبعة 2011



ورقم الكتاب لكتاب المبتدءين

ISBN NO. 978-0-19-471757-1



موجود خلف الكتاب



اما الكتاب الثاني ماعطانا رقمو لاكن قال الاصدار الاخيـر2011



(وبالاضافة الى انو ارسل اسماء الكتب عل بريد في السنترا لكل الطلاب )



















2- طلب مننا نرسلو في السنترا الايميلات الخاصة فينا بالاضافة الى ارقام جوالاتنا



3- القواميس قال اي واحد من القواميس اللي بكتبها الحين وقال تكون قاوميس تعليمة على ماذكر بالاضافة الى ان الافضل يكون قاموس عربي انجلش



1-LONGGMAN

2-OXFORS

3- COMBRIDGE



4- الكويزات والمنتديات كمان اتكلم عنها وعن انو بينزل مشاركات في المنتدى ومطلوب مننا التفعال والمشاركة فيـها والمدة حقت الكويزات ماذكر جاب لها طاري



هاذا بالنسبة للانجلش









المحاضرة الثانية اللغة العربية الدكتور عبدالرحمن الساعة 6











المحاظرة من بدايتها كنت متنرفز لان كان في بلاهات فالشات واستعباط رفع ضغطي



بالاضافة الى ان الدكتور كمان اتاخر



وكمان كان الدكتور عندو مشكلة بجهازو وماقدر يوصلنا صوت



واضطر يكتب كتابي لاكن بنهاية المحاظرة واحد من الشباب الله يجزاه الخيـر اتصل علية وحط الفون عل مايك ووصلنا









المهم في المحاضرة



1-الكتاب ( مهارات لغوية ) المكتبة (دار الحافظ ) وموجود على موقع الخوارزم

الطبعة (31) تاليف ( سالم الخماش ) بس اتاكد اخبركم



2- المحاضرات المسجلة بالايميس هي للمادة ولنفس الكتاب ومطلوب مننا نراجعها بشكل دايم وانحضر للمحاضرة اذا حبينا



3-الاسبوع هاذا بعد كم يوم بيرسل لنا اكيد (تكليف ) او (تدريبات ) عليها درجتين

واختبار بسيط ( كويز ) عل درس الاول صحـ وخطـا من القاعدة ( طبعا تذاكروها قبل ماتفتحو الاختبار ) وقبل الاختبار بيعطينا عشر دقايق للمراجعة حسب ماقال لان التايم بالاختبار محدود جدا بمجرد ماتحل ترسل الاجابة على طول

والكويز الجي بموضوع (اهمية تعلم العربية ) الدرس الاول اتوقع



3- التكليف ( طبعا بتسمعوها كثير ) هوا تقريبا زي البحث المبسط يعني بيعطينا موضوع معين ويطلب مننا نكتب عنو بعد مانقرا كتاب او نسوي علية سيرش بالنت

ونكتب المادة العامة اللي انطلبت مننا في ملف وورد ونرسلو للدك عل ايميس



4- طبعا القواعد مهمة جدا وحسب مافهمت ان كل قاعدة عليها كويز او شي زي كدا ( يعني ركزو عليها من بدري بدري )



5- التكليفات اللي بيرسلنا هيا ضروري نسويها لان عليها درجات والاختبارات الدورية نفس الشي



6- طريقة الاسئلة بالاختبارات الدورية ( كويز ) مابتكون معقدة لان اغلبها من التعريف والقواعد



7- بيرسل لنا نماذج لاختبارات سابقة لجل نستفيد منها إن شاء الله بس ممكن الحين او قبل الفاينس



8- عدد الاختبارات الدورية تقريبا خمس اختبارات مجموعها 10 درجات

والرسائل عليــها 5

التكليف عليـة 10

وخمس درجات للمشاركة بالكلاس اتوقع لانو ماوزعها



9- ضروري جدا مراجعة البريد في الايميس بين الفترة والثانية لان بيرسل اشياء مهمة عليها بالاضافة الى مراجعة المادة والمحاظرات المسجلة عل ايميس لين نشتري الكتب وحتى بعدها

والتواصل مع الدكتور بيكون عن طريق الايميس وبالاضافة الى انو وضع رقم جوالو للتواصل معاه بس مدري اذا مسموح انزلو او لا











عموما بالاخيـر بس حبيت اعتذر منكم عل قصور لاكن حبيت اسوي برفيو بسيط لاول يوم مثل ماوعدت وإن شاء الله في من يستفيد من الموضوع ويعطينا دعوة صادقة ترد الروح



وادري ملخبط شوية ولا نسقت الموضوع كويس لان نعسان ومني شايف قدامي وظهري معد احس فية من الجلسة من العصـر

><











وهاذا فيديو للسنترا من الداخل وشرح امور بسيطة فية إن شاء الله تفيديكم







&#x202b;توضيح للسنترا 2&#x202c;&lrm; - YouTube



(( اللي شاف شي غلط بالفيديو ولا حاجة يخبرني لان ماشفت الفيديو))





وانوة لسالفة ماوضحتها بالفيديو واللي هي النت وورك الموجودة اسفل عل يمين

ضروري تتاكدو منها لجل تعرفو قوة الاتصال عندكم والافضل تكون اربع اشارات تقريبا



تاكدو منها وإن شاء الله تكون اموركم تمام







منقول للفائدهـ
joe13 غير متواجد حالياً   رد مع اقتباس
قديم 09-18-2011, 09:12 AM   #2
joe13
 





joe13 غير متواجد حالياً
افتراضي

لفتني بالموضوع
1- اسماء الكتب ووصف مكان تواجدها
2- اسماء القؤاميس
3- وصفه للدرجات الخ ...

اتمنى لكم الاستفادهـ

بالتوفيق
joe13 غير متواجد حالياً   رد مع اقتباس
قديم 09-18-2011, 10:09 AM   #3
the mirror
 






the mirror غير متواجد حالياً
افتراضي

أنتم السابقون ونحن اللاحقون إ ن شاءالله بكرة نخبركم بما حدث في محاضراتنا .وجزاك الله كل خير على المعلومات وحسينا كأننا كنا في المحاضرة مع شعبتكم .
the mirror غير متواجد حالياً   رد مع اقتباس
قديم 09-18-2011, 11:11 AM   #5
أحمد عسيري
 





أحمد عسيري غير متواجد حالياً
افتراضي

ربي يسعك ويوفقك
__________________
أحمد عسيري غير متواجد حالياً   رد مع اقتباس
قديم 09-18-2011, 11:19 AM   #6
joe13
 





joe13 غير متواجد حالياً
افتراضي

تكفيني دعواتكم =)

نورتم المتصفح ..
joe13 غير متواجد حالياً   رد مع اقتباس
قديم 09-18-2011, 01:13 PM   #7
SOKOOON
 





SOKOOON غير متواجد حالياً
افتراضي

الله يعطيك العافية بصراحة ما قصرت كفيت ووفيت وان شاء الله اليوم نجرب ونشوف
__________________
تعليم عن بعد
سنه تحضيرية خطة ( أ
)
SOKOOON غير متواجد حالياً   رد مع اقتباس
قديم 09-18-2011, 01:21 PM   #8
احساس الشرق
 





احساس الشرق غير متواجد حالياً
افتراضي

الله يجزاك خير روح الله يسهل امورك فين ما راحت
احساس الشرق غير متواجد حالياً   رد مع اقتباس
قديم 09-18-2011, 02:09 PM   #9
أحسني الظن بالله
 






أحسني الظن بالله غير متواجد حالياً
افتراضي

جزاگ الله خير يا قلبي

موضوع روعة من إنسانة أروع ....

سرقتي موضوع حلو دي المرة :d
__________________
اللهم صل وسلم على نبينا محمد
أحسني الظن بالله غير متواجد حالياً   رد مع اقتباس
قديم 09-18-2011, 08:55 PM   #10
joe13
 





joe13 غير متواجد حالياً
افتراضي

نورتو المتصفح
joe13 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة

الانتقال السريع


الساعة الآن 02:42 PM.


جميع الحقوق محفوظة لمنتديات جامعة الملك عبد العزيز

Content Relevant URLs by vBSEO 3.5.0

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46