يمنع منعا باتاً وضع اي موضوع او مشاركة مخالفة لانظمة المنتدى او تحتوي على اعلان تجاري او بريد الكتروني شخصي او رقم هاتف كما يمنع انشاء اي مجموعات

   
 

 

 


كلية الحاسبات وتقنية المعلومات منتدى خاص بكلية الحاسبات وتقنية المعلومات

 
 
LinkBack أدوات الموضوع انواع عرض الموضوع
قديم 08-28-2012, 10:07 AM   #1
mohammedJR
 





mohammedJR غير متواجد حالياً
Post تدوينه : المدخل الى لغات البرمجه

بسم الله الرحمن الرحيم

اخوكم محمد احد طلاب حاسب جامعه الملك سعود سابقا .. تحديدا نظم المعلومات

سويت هالحساب من باب المشاركه مع الطلاب ولو احتاجوا شيء اقدر اخدمهم فيه

قبل فتره جتني فكره اني اسوي مدونه والخص فيها بعض الاشياء اللي تعلمتها حول تخصصي

اما من الجامعه او عن طريق الممارسه

والحمد لله سويت المدونه على هذا الرابط

تم حذف الرابط للمخالفة
وكانت هذي اول تدوينه لي وحبيت اشاركم فيها هنا وسامحوني بعد نقل التدوينه لهنا راح التنسيق والالوان

المدخل الى لغات البرمجه

.......
بسم الله الرحمن الرحيم

هذي اول تدوينه بالمدونه .. المدونه باختصار تحتوي على دروس منوعه

احاول اجمع فيها المعلومات اللي عندي واوثق المعلومات اللي اكتسبها

يعني ممكن احط اقتباسات احيانا وممكن اكتب من عندي احيان

هدف المدونه افاده الزوار واثراء المحتوى العربي ..

وبنفس الوقت توثيق المعلومات بطريقتي عشان لو احتجت ارجع للمعلومات بوقت لاحق القاها مشروحه بالطريقه اللي تناسبني

وان شاء الله تناسبكم

,,

-------------------------------------------------------------

التدوينه الاولى : المدخل الى البرمجه !!

خلني اشرح اول شيء ماهي لغات البرمجه بشكل عام

علميا : تعرف لغات البرمجه بأنها تعليمات وأوامر تكتب لجهاز الحاسوب أو أي جهاز آخر، لتوجيهه وإعلامه بكيفية التعامل مع البيانات أو كيفية تنفيذ سلسلة من الأعمال المطلوبة.

بالعامي : مثل مافيه لغات انجليزيه تتخاطب فيها مع الانجليز ويابانيه تتفاهم فيها مع اليابانيين وعربيه تتفاهم فيها مع العرب الكمبيوتر له لغه تقدر تكلمه فيها ويفهم لك,

( .. ومثل ماانت تقدر تكلم امريكي بلغته وتطلب منه يسكر الباب او يفتحه او يصورك بجواله , )

( .. تقدر تكلم الكمبيوتر بلغه برمجه وتطلب منه يسكر برامج معينه او يفتحها او يصور سطح المكتوب او اي امر تبيه , )

" معلومه مهمه : الكمبيوتر جهاز الكتروني يعني شويه قطع ماعندها عقل يمر فيها تيار كهربائي متقطع وهالتيار هو اللي يخليها تنفذ الاوامر

وبما ان التيار متقطع يعني , مره تمر نبضه كهربائيه ومره ماتمر , حط العلماء رمزين للتيار عشان يتابعون حركته

لما يمر التيار يرمزون لمروره بالرقم ( 1 ) ولما ينقطع يرمزون للحاله بالرقم ( 0 )

وهذي هي لغه الكمبيوتر الحقيقيه ويمكن شفت كثير بافلام او مواقع انترنت زي السطر اللي تحت هذا

- 110110101110100010101010101100101-



واقعيا هذا السطر يشرح مرور التيار بالمعالج كانه يقول

- انوصل الكهرب , انقطع الكهرب , انوصل الكهرب , انقطع الكهرب , انقطع الكهرب .. الخ -

ومن خلال هالتيار للي يمر وينقطع ويمر وينقطع يفهم الكمبيوتر وش مطلوب منه

هذي تسمى machine language او لغه الاله

ولاتسألني كيف تشتغل وكيف يفهم الكمبيوتر كهرب وكيف اكتب اوامر للكمبيوتر بهالطريقه !! لان الاشخاص اللي يفهمون بهالشيء بالعالم عدد اصابع اليد !!

ولانه صعب انك تفهم وش معنى 10001010110101 وتوجه اوامر للكمبيوتر بهالطريقه

اخترع العلماء حل وهو لغات البرمجه عاليه المستوى او high level language

ملاحظه : بين لغه الاله اللي هي الكهرباء وبين لغات البرمجه عاليه المستوى فيه مرحله لغات البرمجه ذات المستوى المنخفض لكنها غير مهمه في الوقت الحالي انساها

لغات البرمجه عاليه المستوى : هي لغات برمجه وسيطه بين الانسان والكمبيوتر .. يعني لغه سهل تتعلمها مثل الانجليزي والعربي وغيره

وبمجرد ماتكلم الكمبيوتر فيها .. فيه مترجم داخل الجهاز يترجم هاللغه للغه الكمبيوتر وينفذ الكمبيوتر الاوامر المطلوبه "

اختصار المعلومه : يوجد 3 مستويات للتخاطب مع الكمبيوتر : المستوى الاول ان تفهم كيف تمر الكهرباء وتعمل داخل الجهاز وتتحكم بها ( مستوى معقد

ثم تم حل المشكله بتطوير : لغات البرمجه ذات المستوى المنخفض لتسهيل تخاطب الانسان مع الجهاز وهي غير مهمه حاليا

ثم تم تطوير الوضع الى : لغات البرمجه عاليه المستوى وهي لغات يسهل على الانسان فهمها والتخاطب مع الجهاز بها ويفهمها الجهاز ايضا بوجود

مترجمات داخله تحول هذه اللغه الى لغه الكمبيوتر الاصليه وهي مانعملعليه غالبا كمبرمجين .

-------------------------------------------------------------

لو مافهمت الفقره اللي راحت بخصوص مستويات الغه مو مهم .. ممكن تفهمها بعدين

المهم خلينا الان في لغات البرمجه عاليه المستوى او High-Level Language

هي اللي نتخاطب فيها دائما مع الكمبيوتر

وش قصه الـ High-Level Language

قلنا قبل كيذا انه لغات مثل لغات التخاطب مع البشر

مثل ماتكلم الصيني بالصيني والامريكي بالانجليزي عشان يفهمون نفس الشيء مع الاجهزه

لغات البرمجه عاليه المستوى كثير ولها اسماء مثل java , c , PASCAL

كل جهاز يفهم لغات معينه وممكن مايفهم لغات ثانيه

مثلا جوالات الاندرويد تفهم لغه java .. فتحتاج تخاطبها بالجافا .. ولو خاطبتها بلغه ثانيه ماتفهمها ماراح يفهم الجهاز وش تبي انت

والايفون لغته Objective C ولو تحاول بايديك ورجليك تفهمه بلغه ثانيه ماراح يفهم

واجهزه الويندوز تفهم عدد من اللغات

واجهزه الماك تفهم لغات

...

اول شيء يجي بمخ الواحد بيقول طيب لو انا ابي اسوي برامج للايفون والكمبيوتر والاندرويد ووو

لازم اتعلم كل هاللغات عشان اقدر اتفاهم معهم كلهم؟

الجواب : للاسف ايه لازم تتعلم كل اللغات اللي تحتاجها

لكن

اللغات البرمجيه ماتختلف عن بعض كثير .. يعني غالبا اذا ضبطت لغه وحده بيكون سهل تضبط باقي اللغات بوقت قصير

والشيء الجميل ان فيه بعض اللغات تشتغل على منصات او انظمه كثير مثل لغه الجافا

يعني لو ضبطت الجافا مثلا تقدر تسوي برامج للكمبيوترات اللي تشتغل بنظام ويندوز , او لينكس , او اجهزه الاندرويد , ووو

وعشان كيذا اخترت من بين اللغات لغه الجافا عشان اتعلم عليها .. وراح ابدا شرحها في التدوينه الجايه.
mohammedJR غير متواجد حالياً  
قديم 08-28-2012, 10:11 AM   #2
mohammedJR
 





mohammedJR غير متواجد حالياً
افتراضي

اتمنى افادتي باللغه الاساسيه المستخدمه في الكليه عشان اعرف المواضيع اللي تناسب انزلها في المرات الجايه وشكرا
mohammedJR غير متواجد حالياً  
قديم 09-03-2012, 09:22 PM   #3
linso
 






linso غير متواجد حالياً
افتراضي

مجهود جميل وشرح بسيط وغير معقد
شكرا لك
linso غير متواجد حالياً  
قديم 11-04-2012, 09:47 PM   #4
Abeera
 






Abeera غير متواجد حالياً
افتراضي

شرح رائع وأكثر من رائع..
تصل المعلومه بشكل بسيط وواضح..

الله يعطيك ألف عافيه ومشكوووور على مجهودك..
Abeera غير متواجد حالياً  
قديم 12-13-2012, 06:48 PM   #5
5orafi
 





5orafi غير متواجد حالياً
افتراضي

الف شكرآآآ
__________________
لا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامه


22D04EC3
5orafi غير متواجد حالياً  
قديم 03-10-2013, 01:41 AM   #6
محمد ابو السيد
 





محمد ابو السيد غير متواجد حالياً
افتراضي

موضوع اكثر من ممتاز
جعله الله فى ميزان حسناتك
وبارك الله فيك
__________________
العاب بنات هاي

التعديل الأخير تم بواسطة محمد ابو السيد ; 07-29-2014 الساعة 01:00 PM
محمد ابو السيد غير متواجد حالياً  
قديم 03-26-2013, 07:49 AM   #7
aysha
 





aysha غير متواجد حالياً
افتراضي

للأسف تم حذف رابط المدونة
aysha غير متواجد حالياً  
قديم 03-26-2013, 08:32 AM   #8
إدارة المنتديات
 





إدارة المنتديات غير متواجد حالياً
افتراضي

السلام عليكم

يمنع وضع اي روابط خارجية

شكرا
__________________
إدارة منتديات جامعة الملك عبد العزيز
إدارة المنتديات غير متواجد حالياً  
قديم 03-26-2013, 12:03 PM   #9
تركي الشريف
 





تركي الشريف غير متواجد حالياً
افتراضي

ياشيخ انت ثروة شرحك جدا جميل بالله اسم المدونه لان ادارة المنتدى تحذف الروابط
تركي الشريف غير متواجد حالياً  
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة

الانتقال السريع


الساعة الآن 07:33 AM.


جميع الحقوق محفوظة لمنتديات جامعة الملك عبد العزيز

Content Relevant URLs by vBSEO 3.5.0

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57